香港仔:香港比新加坡自由得多(第53編)

今年復活節,同老婆外父外母去咗新加坡走一趟。其實係我第一次去新加坡,冇乜嘢expectation。我對新加坡嘅認識好少,最多都係睇wiki嘅資料,聽下朋友去過新加坡business trip既評價。 喺我心目中嘅新加坡,都係炒貴叼,蝦麵,同埋肉骨茶(我鍾意食)。最近仲喺SCMP睇過一篇editorial,話香港點解好過新加坡,話新加坡太過「乾淨」,太有「秩序」,唔似香港咁有「色彩」。 我一到新加坡,其實就已經覺得好有「壓迫感」。我覺得啲人真係太有秩序,太守規矩。有秩序有規矩唔係問題,但係我feel到,佢哋係咁,唔係因為佢哋特別「有文化」(什麼事「新加坡文化」?)而係佢哋由細到大都被迫要守秩序,follow the rules。 我記得搭MRT(地鐵),因為我哋一班人,所以有個員工叫我地排隊。問題唔係佢叫我地排隊,而係根本架列車都已經到咗,仲開埋門,而排緊隊嘅人已經上緊車。做乜野要我哋兜個圈嚟排隊(而條龍尾喺另外一邊)? 我就向住呢位員工講,話佢叫我哋排隊根本就係一個moot point,而真正嘅issue唔係排隊嘅問題,而係我哋會唔會打尖。As long as我哋俾排隊嘅人入先,我哋排唔排隊關佢乜事? 個員工好無奈,不過又諗唔到點樣argue back,O左嘴,企左喺度。然後我都有啲失望,因為我feel到佢好無奈,但係又唔識鬧番我轉頭(俾我「蝦」),搞到我都有啲唔好意思。 如果係香港嘅話,根據我嘅經驗,香港MTR嘅員工一定會超級積極咁鬧反我轉頭,話佢只係follow緊公司指引,然後就cite返邊條MTR By-law,邊個section,如果我有任何不滿,即管投訴佢。然後我就會問佢叫乜嘢名,員工編號,邊個部門,扮下野,繼續玩呢個遊戲(其實都係得個「講」字,所以我就話只係一個「遊戲」)。 但係個遊戲都未開始,就已經完咗。講真,我都有少少失望。 跟住搭Grab(Uber既競爭對手),八卦問司機關於Grab嘅員工手冊(佢話每日接「順路」街客有quota),我問佢會唔會有啲人走法律罅,接多啲客黎賺錢。佢話每架車嘅車牌都登記晒, check得好嚴,所以啲人唔敢亂黎。 我心諗,如果喺香港既話,每一個法律罅都會變成一個創業機會,而新加坡就啱啱相反。 有一次搭的士嘅時候,我就同的士司機吹水。我話比佢聽我第一次嚟新加坡,佢問我覺得點,我話我覺得新加坡好「衛生」(”I think Singapore is very “sanitary.”)。佢仲想矯正我,話應該係”orderly”而唔係”sanitary”。我就堅持”sanitary”,仲解釋點解:”Singapore is very… Read more “香港仔:香港比新加坡自由得多(第53編)”

Godfrey’s Musings: 你想做老闆?(第34編)

有幾多個打工仔,由於成日都要OT,做得好辛苦,而人工又追唔上通貨膨脹(例如樓價)?做老闆就唔同,有一班人幫佢博命,錢又係佢賺,有邊個唔想做老闆?但係做老闆係咪真係咁好,好風光?同埋點樣先可以做老闆? 人工永遠都追唔上 第一,人工同埋樓價當然係唔會同步上升。樓價嘅升幅係俾好多嘅外來因素影響,包括土地政策,息率,外來資金,同埋財富效應等等。呢啲各種嘅因素,都係由國際金融同經濟嚟帶動。人工,on the other hand,就好睇supply and demand,你肯接受幾高人工,你人工就幾高。 員工只係一個工具 對於老闆嚟講,員工就係一個工具。呢個世界最公平嘅嘢,就係每一個人每一日都只係得24小時。但係老闆擁有嘅,就係一個系統。員工就係佢嘅系統裡面既工作團隊,幫佢生產(produce),即係production line。老細搵到個大客返嚟,佢都要一個團隊幫佢produce。 每日超過24小時既output 如果團隊有5個人,而每個人都每日工作8小時,老闆每日就可以多40小時既production(8小時 x 5)。如果40小時production嘅價值超過呢5個人一日嘅人工,老細就已經有錢賺。呢5個人嘅output越多,老闆賺嘅錢就會越多(OT埋,應該可以去到起碼60小時既output)。 唔係個個適合做老闆 但係如果錢咁容易賺,點解唔係個個都做老細?其實老細同員工嘅分別就係價值觀。有啲人只需要平平穩穩(stability)就已經滿足。佢哋唔需要賺大錢,只係每個月都有人出糧畀佢,佢就已經好開心。就算生意好或者差,最緊要有糧出,呢啲人就最適合打工。 做老闆需要創業 但係如果你想要自己嘅事業(或夢想),而唔係只係幫其他人實現佢地嘅事業(或夢想),你就必須有自己嘅事業。其實呢個就係叫「創業」。其實唔係個個人一開始就可以創業。多數人都係從低做起,由打工開始,一步一步咁樣擒上條梯,一直想比自己更成功嘅人學習。 老闆同員工嘅分別就只有一樣嘢:價值觀。員工只係會睇佢眼前嘅task,但係老闆睇嘅會係前景。員工需要管理嘅只係自己個task,做好就ok,但係老闆需要管理嘅就係人際關係,包括客戶對公司嘅信心。老闆sell既,就係一個希望,將呢個希望變成product,呢個先至係真正嘅currency。

Godfrey’s Musings: 2017既reflection (第33編)

2017眨下眼就過左。呢一年,表面上,都好似無咩特別大鑊野發生,一直都好似留喺自己既comfort zone。但係好多事情,都係為左2018年鋪路。事業方面,我2015年開始執業,2017年2PQE既我都係喺一個轉折點,由一好fresh既律師,變成一個開始develop自己practice既律師,漸漸feel到自己想做D乜,同埋feel到自己既長處同短處。 態度改變命運 2017年我學到最重要既野就係「態度」。態度的確可以決定命運。人生一定會遇到各種既問題,但係成功同失敗既分別就係成功既人會識得點將「障礙」變成「機會」。喺成功既人既眼中,每一件事都係一個機會,而每一個set back,都係一個可以「解決問題」既機會。如果識得點解決問題,呢個根本就唔係「問題」。 人際關係既重要 你做邊一行都好,「人際關係」永遠都係最重要。就算你既skill係天下無敵,但係人際關係唔好,你有幾叻都無用。我有個朋友成日都話,「識人好過識字」。呢一句我覺得無錯,重點係「人」。建立人際關係既第一步就係要樂於助人。幫到人就係代表你係一個有能力既人。你可能只係需要做少少野,已經可以幫到人地好大個忙。 社會既磨練 年輕人一般都係比較情緒化,因為人生經驗都係比較少。本人都係喺社會磨練左好幾年先至開始學識點樣做人處事,做每一樣野之前,先唸後果。自己(曾經?)身為年輕人,完全明白好多年輕人既「衝動」。或者呢個可以叫做「passion」,有佢自己既理想。有理想當然係一件好事,不過實行唔到既「理想」,永遠都只係一個「理想」。實唔實行到,都係要睇實際因數。 2017年係一個磨練既一年,而2018就係一個機會俾我實行舊年學到既野。So far,我已經面對緊好多挑戰,好多好多問題要解決,但係都係講果句:有危機先至有機會。一日唔打,都唔知自己打唔打得。但係我相信,只要相信自己,就一定會成功,可以overcome一切既各種問題。2018年,here I come!

Godfrey’s Musings: 我最崇拜嘅 Professor(第32編)

喺我仲讀緊law嗰陣,有一個prof,我真係好崇拜。佢係一個執業嘅大律師,代表過政府打官司(study啲case law都有佢做過counsel),係佢個法律範疇係(學術性)既專家。連casebook都係佢寫。讀書嗰陣,我真係好崇拜佢,佢的確係我既role model。因為佢,一科我由完全冇興趣,變成我嘅favorite subject,仲考得好好。 時間過得好快,眨下眼又已經畢咗業好幾年,做咗幾年律師。我仲記得一兩年前,佢間chamber搞open house,我同我老闆都有去visit。喺chamber撞返prof,當然有同佢聚一聚舊,非常開心。但係當我介紹我嘅prof俾我其中一個老闆識果陣,額完手之後我老闆就走左搵佢啲senior counsel friends吹水,影都唔見埋。 咁淨返我同prof兩個,我就同佢爹多幾句。因為我成日都去court,所以我就問佢好似喺court度未撞過佢。佢仲話,「係呀,唔知點解我最近都冇乜brief,如果你有case,可以搵我㗎!」其實我聽到呢句,當時我有少少disappointed。咁多年黎喺學校我最崇拜嘅大律師竟然會講呢啲。 但係調返轉諗下,呢件事其實已經證明左我真係太天真。我見證左學校裏面既number one其實喺個legal profession裡面既知名度完全唔成正比。最ironic嘅就係,記得公司有一個partner講過,佢話通常寫textbook既人都唔係真係咁勁,因為真係勁嘅人,生意多到冇時間寫書。原來呢個世界去到最後都係講錢,而唔係講「理想」(i.e. 學術性嘅問題)。 簡單講句,呢個世界係好現實嘅。你有幾叻,唔係話你幾有principle。如果你係真係有理想嘅,都係要入返academia裡面,起碼可以喺ivory tower裡面開開心心咁樣就過一世。有tenure嘅教授,都算上咗岸啦。而其他啲兩頭唔到岸嘅人,都係要實際啲,要搵第一桶金先講其他嘢。呢個世界就係咁殘酷,而可能我都已經唔係當日果個咁天真既同學仔。

Godfrey’s Musings: 如果今日係你人生既最後一日(第31編)

成日都有人講「Live everyday as if it was your last day」,但係呢一句係咩意思?如果今日係我生命中嘅最後一日,我會唔返工,陪我既另一半同埋家人一齊度過,珍惜每一分每一秒。我會特別話俾佢地聽,我有幾愛佢地。但係如果係你,你會唔會爆卡數,問銀行借unsecured P loan,同埋做一啲好financially irresponsible既嘢? Detail就唔講啦,我個point就係「Live everyday as if it was your last day」未必係一個好好既advice。如果你只有一日留係世上,你多數都未必會做好long term planning。計劃得咁好又有乜嘢意思?反正都係人生嘅最後一日。你有乜嘢想做,就會不理後果咁樣做,最緊要係死都要死得硬幣。 除非「Live everyday as if… Read more “Godfrey’s Musings: 如果今日係你人生既最後一日(第31編)”

Godfrey’s Musings: 俾PCLL reject (第30編)

讀書呢家野本人唔係特別叻,不過我對讀書都帶滿一心熱情。雖然我(讀書)真係質素麻麻,不過不停喺堂上答老師問題,仲成日講到好passionate咁。因為我經常舉手,講啲廢話又好似講到真嘅一樣,連老師都唔知我講緊乜,仲以為我好有見地(其實我講嘅應該錯晒)。 連老師都以為我好有point,明明答錯都話我答得好。考試嘅時候就出事。因為試卷唔寫名(寫ID),所以第一次考試我真係肥咗一科。好彩,我啲老師都對我超好,仲特燈睇返我嘅exam paper,睇我錯邊,然後主動教我。我唔係一個聰明嘅學生,不過我係一個幸福嘅學生。 又比我咁好彩,當年我讀JD嗰陣,第一屆有Double Degree JD-LLM去UPenn。根本我都未夠班,點去UPenn?就係因為最叻嘅個個都已經搵到工,入晒City Firm,仲駛一年去LLM把鬼咩?當年有兩個位,只有四個人申請,俾我50%機會又俾我入到。我做人都算係「付look」! 我下一劑仲勁。去埋UPenn跟住返返HKU報PCLL,竟然被reject左!好震驚,我仲問個prof係咪因為HKU grade inflation勁到我入唔到?Prof幫左我問,原來係Law Fac話我將transcript唔係「final」 transcript,而係interim!原來佢要七月出嘅transcript,但係我七月前已經交左! 最慘嘅就係我嗰年根本都唔喺HKU,所以HKU既grade根本係冇變過,仲要我係HKU本校生!其實佢自己撳個掣都已經check到我既grade!PCLL個Deputy Head打電話俾我,佢話佢都好對唔住,全部位已經full晒,叫我下一年再報PCLL。就係張transcript date,粉碎我嘅律師夢! 我只有勇敢地接受呢個現實。唔做律師,我都需要活着。做乜?其實我一直都諗過做補習天王。我IELTS攞咗8.5分,報咗間大型嘅補習社。啱啱報咗工之後,PCLL Deputy Head打俾我,佢話依家就send個offer比我,叫我即刻accept,兩日後開學。除咗呢幾句,佢咩都冇解釋。 我之後先知道,原來Deputy都覺得我好唔抵,但係真係無位。佢直接去左搵PCLL Head講返呢件事,個Head自己開多一個位俾我讀。當時其實我真係好感動,好感恩,有咁多老師撐我。我並不是一個優秀嘅學生,只係一個平平無奇,quite average既一個。點解佢哋會對我咁好? 諗返起,可能係因為我係一個positive既人。正能量,的確會帶動別人,而冇嘢係做唔到。就算PCLL reject我,都會有奇蹟出現,開返多個位俾我。只要相信自己,就一定會成功。識做人,就要做一個大滿正能量嘅人。唔識做人,成功係短暫嘅。識做人,失敗都只會係短暫。

談判課:因為我自私,所以我鍾意幫人(第5編)

你睇完個 topic title 都可能會有啲 confused。 自私嘅人又點會鍾意幫人呢?我係一個比較理性嘅人,所以我解釋完之後我相信你都可能會明白點解。當年我喺 UPenn 讀 Corporations(即係 Company Law )果陣,我哋要讀埋 valuation。而其中一個 risk & return 既 formula 係: Expected Return = (Success x Probability) + (Failure… Read more “談判課:因為我自私,所以我鍾意幫人(第5編)”

香港仔:點解要買樓?(第52編)

前日,房屋局局長陳帆就同啲後生仔講,話買樓只係人生既小部分,叫啲後生仔去下working holiday黎豐盛下自己既人生。佢話,只要賺到錢就買到樓,而買樓就只係人生嘅一小部份。其實作為局長,佢講既嘢的確無錯。由於有房屋津貼,子女有學費津貼,根本唔需要買樓。 但係對於香港另外九成嘅人黎講,又點解要買樓?有啲人話要結婚生仔,或者中國人成日都話要有瓦遮頭,其實呢啲只係一個藉口。從經濟角度黎講,買樓就只係為咗一個原因—-通貨膨脹。因為各種嘅經濟因素,現金其實一直喺度貶值緊。30年前嘅$100一定好洗過今時今日既$100。 又或者用一個更加容易明白既比喻,就係你嘅人工追唔追得起樓價既升幅?因各種嘅經濟同政治因素,令樓價一直上升,但係你嘅人工要增加幾多先可以追到上樓?你今日揸住既$100 同埋10年後揸住同樣既$100已經係完全唔同嘅世界。 如果3年之後樓價升兩成,一個$5m嘅單位就會貴左$1m,但係呢3年,除咗你要儲既首期之外,可唔可以儲多$1m返嚟?呢個例子已經俾我地睇到現金一直喺度貶值,但係樓價就一直喺度升。俾你儲夠$6m嗰陣,樓價又會唔會仲停留喺$6m? 所以樓宇係愛黎對沖通貨膨脹。如果冇樓揸手,除非你係陳局長,你嘅人工永遠都追唔上樓價嘅升幅。如果樓價一直系咁升,少數嘅人,例如發展商,只會越黎越有錢,而貧窮嘅人就只會越來越無錢。樓價高等於租金貴,即係物價高,生活質素越嚟越差。呢個就係貧富懸殊。

談判課: 令人「慚愧」係最強既武器(第4編)

今日我隻手錶無電,攞去錶行換電。問幾錢,師父話$80。有啲貴,但係趕時間,同埋都係瑞士錶,唔想叻出去俾人搞,所以就話OK。師父見我好似唔識野,仲加多句:「$80已經好平㗎啦,出面仲$100添!」我就好認真咁講左句:「我都唔識啊,但係我信你。」 佢就好細心緊換電,但係佢搞到一半,突然之間停左。佢攞張紙出嚟,係張紙寫咗「$50」,跟住就用隻手指指住「$50」,然後向我點一點頭。佢後就講咗一句:「因為你信我。」我就沉默咁點一點頭,然後講「多謝」。 其實鬼唔知佢收$80係貴咩,但係反正都係幾十蚊,最緊要唔想佢搞壞我隻錶。我仲話:「錢唔緊要,最緊要做得細心」。佢仲喺張紙上面寫多個「明」字,然後同我講:「出面好多人,又話貴又乜,但係你明,先收你$50」。 我答佢:「出黎做服務性行業,我邊會唔明個客唸緊乜」。其實我攞多過$50出嚟,佢都係只係收我$50,然後佢俾咗佢manager收。個manager冇出聲就收錢,擺明show到粒電池就係值$50,其實呢個我都心中有數。我再多謝師傅之後,就冇再回頭望就走左。 原來令人「慚愧」真係最強既武器。